సర్వకృపానిధియగు ప్రభువా సకల
సర్వకృపానిధియగు ప్రభువా
సకల చరాచర సంతోషమా
స్తోత్రము చేసిస్తుతించెదము
సంతసమున నిన్ను పొగడెదము
అనుపల్లవి :
హల్లెలూయ / హల్లెలూయ
హల్లెలూయయని పాడెదను
ఆనందముతో సాగెదను (2)
1.
ప్రేమించి నన్ను వెదకితివి /
ప్రీతితో నన్ను రక్షించితివి
పరిశుద్ధ ముగ జీవించుటకై /
పాపిని నన్ను కరుణించితివి ॥హల్లె॥
2.
అల్పకాల శ్రమలనుభవింప /
అనుదినము కృపనిచ్చితివి
నాధుని యడుగు జాడలలో /
నడచుటకు నన్ను పిలిచితివి ॥హల్లె॥
3.
మరణ శరీరము మార్పునొంది /
మహిమ శరీరము పొందుటకై
మహిమాత్మతో నన్ను నింపితివి /
మరణ భయములను తీర్చితివి ||హల్లె॥
4.
భువినుండి శ్రేష్ఠ ఫలముగాను /
దేవునికి నిత్య స్వాస్థ్యముగా
భూజనములలో నుండి నన్ను /
ప్రేమించి క్రయధన మిచ్చితివి ॥హల్లె॥
5.
ఎవరు పాడని గీతములు /
యేసును గూర్చి పాడుటకై
హేతువు లేకయే ప్రేమించెన్ /
యేసుకు నేను మివ్వగలను ॥హల్లె॥