సంతోషించుడి యందరు నాతో సంతోషించుడి
సంతోషించుఁడి/యందరు నాతో /
సంతోషించుఁడి /
యొక = వింతయగు కీర్తనఁ బాడ వచ్చితిని
సంతోషించుఁడి / నాతో ॥సంతో॥
1•
అంధకార మయమైన భూమి నా/
ద్యంతము వెలిఁగింప / దాని
యా / వేశముఁ దొలఁగింప =
వందితుండు క్రీస్తేసు నాధుఁడు /
వచ్చెఁ బ్రకాశండై భూమికి /
నిచ్చె ప్రకాశంబు॥సంతో॥
2•
కాన నంధకారంబు దొలఁగఁ ప్ర/
కాశించెను లెండు
మీరు ప్ర/కాశింపను రండు =
మానవులను సంతోషపర్చనై
మహిని నవతరించె భక్తుల /
మనము సంతసించె ॥సంతో॥
3•
మిన్ను నుండి సంతోషోదయము /
మిగుల ప్రకాశించె /
హృదయములఁ / దగులఁ ప్రకాశించే =
మున్ను జేయఁబడిన వాగ్దత్తము /
తిన్నగ నెరవేరె భక్తుల/
కన్ను లాస దీరె ॥సంతో॥
4•
ప్రీతియైన నీ పండుగ గూర్చి/
నూతన కీర్తనను /
గలసికొని /నాతోఁ పాడుచును =
నీ తరి దూరస్థుల కీ వార్తను /
నే తీరున నైనఁ
దెలుపఁగ నాతురపడవలెను ॥సంతో॥
5•
పాపులపై దేవునికిఁగలిగిన /
ప్రబలమైనదయను
లోకమునఁ-జూపింపఁ గవలెను =
జూపకపోయిన లోపము మనపై
మోపఁబడును నిజము వేగము /
జూపుద మా పథము ॥సంతో॥
– బేతాళ జాన్