రేడు మెస్సీయ జన్మించెను శ్రీదావీదు
రేడు మెస్సీయ జన్మించెను / శ్రీదా /
వీదు పురమున నుద్భువించెను=
వేడుకతోడను / బాడుఁడి పాటలు =
రూఢిగ సాతాను / కాడిని దొలఁగింప
1•
మనకొఱకై శిశువు పుట్టెను / అతఁడు /
మన దోషములను బోగొట్టెను=అనయంబు
నతనిమీఁ / దను రాజ్యపు భార /మును
నుంచఁబడె విమో/ చనకర్త యితఁ డౌను
||రేడు||
2•
పరలోక సైన్యంబు గూడెను /
మన / పర శిశువును గూర్చి పాడెను =
నరులయందున గరుణ ధర సమాధానంబు
చిర దేవునికి బహు మహిమ యటంచును
॥రేడు॥
3•
కొమ్మ యెష్షయినుండి పుట్టెను /
చిగురు / క్రమ్మర మొద్దున బుట్టెను =
కమ్మెను దేవుని యా / త్మమ్మును తెలివి జ్ఞా/
న మ్మాలోచన మహి/ త్వ మ్మొక్కుమ్మడి నాతని
॥రేడు॥
4•
సర్వశక్తి గల దేవుఁడు /మరియు /నుర్వియందు
దయాస్వభావుఁడు = సర్వమహిమము గల్గు
స్వర్గలోకము వదలి /
గర్వముతో నిండిన/సర్వంసహా “స్థలిపై ||రేడు||
5•
వింతైనవాఁడుగనుండెను కోరినంత
సుందరతలేకుండెను = చింతతోడను
మాయా / సంగతులను వారి /
యంతములేనట్టి/యాపదను వీక్షించి ॥రేడు॥
6•
చెదరిని గొట్టెల వెదకును / వాని /ముదమున
మందలోఁ జేర్చును = సదయత యేసుండు
జనితైక సుతుఁడు ‘భా / స్వదధిక
విభుఁ డాలో చన కర్త జన్మించే ||రేడు||
7•
అక్షయుండగు యేసు వచ్చెను /
మన / రక్షణమ్మును సిద్ధపర్చెను =
మోక్షముఁ సరుణా క /టాక్షముతో నియ్య
నీక్షితియందున /హెబ్రీ వంశమునందు ॥రేడు॥
ఎస్. జేమ్స్