నడిపించు నా నావ నడి సాంద్రమున దేవా
నడిపించు నా నావ / నడి సాంద్రమున దేవా
నవజీవన మార్గమున / నా జన్మతరియింప
1•
నా జీవిత తీరమున / నా యపజయ భారమున
నలిగిన నా హృదయమును /
నడిపించుము లోతునకు
నా యాత్మ విరబూయ / నా దీక్ష ఫలియింప
నా నావలో కాలిడుము / నా సేవ జేకొనుము
॥నడిపించు॥
2•
రాత్రంతయు శ్రమపడినా /
రాలేదు ప్రభూ జయము
రహదారులు వెదకినను /
రాదాయెను ప్రతిఫలము
రక్షించు నీ సిలువ / రమణీయ లోతులలో
రతనాలను వెదకుటలో / రాజిల్లు నా పడవ
॥నడిపించు॥
3•
ఆత్మార్పణ జేయకయే / ఆశించితి నీ చెలిమి
అహమును ప్రేమించుచునే /
అరసితి ప్రభు నీ కలిమి
ఆశానిరాశాయె / ఆవేద నెదురాయె
ఆధ్యాత్మిక లేమిగని / అల్లాడె నా వలలు
॥నడిపించు॥
4•
ప్రభు మార్గము విడిచితిని /
ప్రార్ధించుట మానితిని
ప్రభు వాక్యము వదలితిని /
పరమార్ధము మరచితిని
ప్రపంచ నటనలలో / ప్రావీణ్యమును బొంది
ఫలహీనుడనై యిపుడు / పాటింతు నీ మాట
॥నడిపించు॥
5•
లోతైన జలములలో /
లోతున వినబడు స్వరమా
లోబడుటను నేర్పించి / లోపంబులు సవరించి
లోనున్న ఈవులలో / లోటైన నా బ్రతుకు
లోపించని యర్పణగా / లోకేశ జేయుమయా
॥నడిపించు॥
6•
ప్రభు యేసుని శిష్యుడనై /
ప్రభు ప్రేమలో పాదుకొని
ప్రకటింతును లోకములో / పరిశుద్ధుని ప్రేమకథ
పరమాత్మ ప్రోక్షణతో / పరిపూర్ణ సమర్పణతో
ప్రాణంబును ప్రభుకొరకు / పానార్పణము జేతు
॥నడిపించు॥