క్రైస్తవులారా లెండి యీనాడు క్రీస్తు
క్రైస్తవులారా! లెండి యీనాడు
క్రీస్తు పుట్టెనంచు పాడుఁడి;
ప్రసన్నుఁడైన తండ్రి ప్రేమను
ఆసక్తిపరులై కీర్తించుఁడి
క్రీస్తేసు మానవాళితోడను
నశింపవచ్చెనంచు పాడుఁడి.
1•
దేవుని దూత గొల్లవారికి
ఈ రీతిగాను ప్రకటించెను
ఈ వేళ మహా సంతోషంబగు
సువార్త నేను ఎరిగింతును
దావీదు పట్నమం దీదినము
దైవరక్షకుఁడు జన్మించెను’.
2•
త్వరగానే ఆకాశ సైన్యము
హర్షించుచు నీలాగు పాడెను
సర్వోన్న తాకాశంబునందుండు
సర్వేశ్వరునికి ప్రభావము
నరులయందు సమాధానము
ధరణిలో వ్యాపింపనియ్యుఁడు
3•
పరమతండ్రి దయారసము
నరులకెంతో నాశ్చర్యము
నరావతారుఁడగు దేవుఁడు
నిరపరాధిగాను జీవించి
నిర్దోషమైన త్రోవ చూపించి
విరోధులన్ ప్రేమించుచుండెను
4•
శ్రీ దూత సైన్యముతో మేమును
వాద్యములు వాయించుచుందుము
ఈ దినమందు నుద్భవించిన
యా దివ్వకర్తను వీక్షింతుము
సదయుఁడైన యేసు ప్రేమను
సదా స్తుతించి పాడుచుందుము
జాన్ బైరొం
అను: బర్నార్డ్ లూకాస్